Jaartemas vir Kleuters

 

Elke reeks bestaan uit:
♦  Handleiding met sestien volledig uitgewerkte programme
♦  Hulpmiddelhandleiding met reproduseerbare hulpmiddels & werkkaarte.
♦  Saamsing CD met vyftien liedjies.

 

  Wikkelwurms
Peuters ontdek hoe wonderlik God hulle lyfies en die wêreld rondom hulle gemaak het

Outeurs: Riana Andersen en Chrissie Kritzinger
Illustrasies: Magriet Brink
Ouderdomsgroep: 2-3 jaar

"Twee ogies om God se werk te sien, twee handjies om die Heer te dien, twee oortjies om sy Woord op te vang, twee lippies wat Hom loof met sang, twee voetjies wat sy pad betree en een lewe om aan Hom te gee.” 2- tot 3-jariges ontdek hoe wonderlik God hulle lyfies en die wêreld rondom hulle gemaak het. Deur heerlike bak-en-brou-aktiwiteite word al die sintuie van die kleintjies betrek.

Wikkelwurms
R 315.00
  Wikkelwurm-handpop
Hierdie kleurvolle karakter, Wikkelwurm, is mede-aanbieder in die reeks, Wikkelwurms, vir 2-3 jarige peuters.  (elke Wikkelwurm is uniek – kleur en styl mag verskil.)

Kliek hier vir meer inligting van die Wikkelwurm-handpop en ander praktiese hulpmiddels.
  Dapper Stappers
Klein mensies leer Bybelkarakters al stappende!
Outeur: Riana Andersen en Chrissie Kritzinger
Illustrasies: Magriet Brink en Liesel Bekker
Ouderdomsgroep: 3-4 jaar

Kleuters ontmoet Bybelkarakters soos Moses, Josef, Elia en Jona. Saam met die karakters leer hulle meer van God, hulleself en die wêreld waarin hulle begin grootword. Die aanbiedinge is baie verhalend met baie aktiwiteite om die klein mensies te help om 'n lewende belangstelling in God se Woord te ontwikkel. Visuele hulpmiddels en instruksies vir 'n Bybelboks waarin verhale uitgebeeld word, is ingesluit.

Dapper Stappers
R 315.00
  Verkleurmannetjies
Die Evangelie word dmv kleure aan die kleuters oorgedra!
Outeur: Riana Anderson en Chrissie Kritzinger
Illustrasies deur Liesel Bekker
Ouderdomsgroep: 4-5 jaar

Teen die einde van die jaar behoort die kleuters die basiese waarhede van die evangelie goed te begryp. Die lesse is só geskryf dat die ontwikkelingsvlakke van kleuters in ag geneem word. Hulle leer hoofsaaklik deur middel van hulle sintuie, kan nie vir lang tye stilsit nie en neem graag aan aktiwiteite deel. Die reeks is vir 4- tot 5-jarige kleuters geskryf, maar kan met sukses vir sowel ouer kleuters gebruik word.

Verkleurmannetjies
R 315.00
  Groei-goggas
Kleuters leer God en die Bybel ken en liefkry
Outeur: Riana Andersen en Chrissie Kritzinger
Illustrasies: Magriet Brink
Ouderdomsgroep: 3-4 jaar

Groei-goggas begin met 'n oorsig van die evangelie d.m.v. kleure. Die laaste kleur is groen wat oor geestelike groei handel en waarop Groei-goggas fokus. Kleuters speel-speel tot in die wêreld van die Bybel en maak kennis met Bybelse kos, klere en gewoontes. Hulle ontdek dat die Bybel 'n skatkis vol kosbare skatte spesiaal vir hulle is. Hulle leer dat God altyd antwoord as ons bid. Teen die einde van die reeks van sestien lesse behoort kleuters die basiese beginsels van geestelike groei nl. gebed, Bybellees, getuig, sondebelydenis en saamwees as kleuters van God te begryp en uit te leef. Die reeks is vir 5- tot 6-jarige kleuters geskryf, maar kan met sukses vir ouer kinders gebruik word.

Groeigoggas
R 315.00




Language / Taal

Testimonials

Ds Abraham Viviers. Medeleraar: NG Gemeente Waterberg
2014-06-20, 11:19
Ek wil darem ook net dankie sê vir die materiaal en die groot werk wat julle doen. Ook net 'n bietjie terugvoer. Ek en my vrou is van die begin van 2012 in Waterberg Gemeente (Nylstroom/Modimolle). Ek is verantwoordelik vir die gesinsbediening in die gemeente en gevolglik het die Gemeente se Kinderpinkster ons verantwoordelik geword. Ons het die afgelope 3 jaar van julle materiaal gebruik gemaak. Kinders van die dorp (ook ander kerke) word uitgenooi na hierdie geleentheid en dit is 'n groot jaarlikse hoogtepunt vir die kinders. Ons het gedurende die pas afgelope pinkstertyd elke aand tussen 70 en 110 opgewonde kinders bedien! Die terugvoer wat ons gekry het, is dat selfs ouers gevra het dat ons asseblief net nooit moet ophou daarmee, want hulle sien die positiewe gevolge daarvan in hulle kinders. Die kinders blom in daardie tyd en hulle babbel sommer spontaan oor die dinge wat hulle leer en dit stimuleer sommer almal se deelname aan geloofsgesprekke in die huisgesinne!
Yolande Kruger
2013-11-03, 21:52
Enige jeugwerker of predikant wat al ‘n kinderbyeenkoms van begin tot einde self moes beplan en aanbied, weet hoeveel voorbereiding en tyd dit in beslag neem. KidsXpress se reekse is hierin vir ons ‘n groot hulp, want nie alleen is dit inhoudelik van hoë kwaliteit nie, die netjiese en weldeurdagte formaat maak dit heerlik gebruikersvriendelik. Die omvattende lys van benodigdhede en stap-vir-stap dagprogram by elke les maak dat geen aanbieder - hoe onervare ookal – oorweldig of onseker hoef te voel nie.
Sulet van der Bergh, NG Suider-Strand
2014-06-20, 11:22
Kinderpinkster is 'n groot geleentheid in ons Jeugbediening. Daar word vooraf hard beplan, dekor gemaak en versierings gedoen - ouers en kinders is ewe opgewonde om te sien watter avontuur ons hierdie jaar gaan beleef. . . En vanjaar is oud en jonk verras met 'n fantastiese reeks deur KidsXpress: Jesus sê: Ek is, ‘n Vakansie op die plaas! Kinders sowel as volwasse helpers het geleer wie Jesus sê HY IS en was verwonderd oor hoe maklik die plaastema dit vir almal gemaak het om te onthou. Ons gemeente het kosbare oomblikke saam beleef waar groot en klein die waarde van Jesus se identiteit beter kon verstaan. Ek is, want Hy is binne my!

Ons Winkel

Mandjie is leeg

Kontak Ons

Werner en Tania Schultz
    
Adres:
Dramastraat 38
Somerset-Wes
7130
Suid-Afrika

E-pos:
Hierdie e-posadres word van Spambotte beskerm. Jy moet JavaScript ontsper om dit te lees.
    
Tel:
021 852 8645

Web:
http://kidsxpress.org

Kantoorure:
Maan-Vry: 08:00 - 13:00